Sesame

Doorasho dhul iyo diyaarin

• Xulo Dhul siman, afuug ah/nafaqo leh, helina kara waraab.
• Dhulka diyaari waqti dheer ka hor inta aan abuurka la gaarin adigoo adeegsanaya disc/yaambo.
• Ku firdhi dhulka diyaarsan nafaqo dhuleedka Di-ammonium Phosphate - DAP 100 kg hetarkiiba.
• Isticmaal eerbish (disc harrow) si aad u bur-burisid carrada waa weyn. Hadii dhulka yaryahay isticmaal qalabka
  yaryar ee gacanta eerbeshka bedelkii.
• U bixi soolal/caro-tuur isu jira 0.80m adigoo adeegsanaya cagaf ku xiran soolkatoore ama adeegso kawaawaha gacanta. U xir-xir jibaal jibaal si uu waraabka kuugu fududaado

Abuur diyaarin iyo abuurid 

• Isticmaal abuur tayo leh oo laga daweyay cayayaanka.
• Saf-saf u beer, waxaa la dhiiri galinayaa in Safafka la-isu jirsiiyo 0.40m abuurkana 0.20m. Soolalka ka abuur labdiisa
  dhinac.
• Isticmaal caagadaha yar-yar (biyaha caaga laga cabo) oo illaa sedex dallol/baq laga sameyay dusha furka. Tani
  waxey suurto galineysaa in 5 illaa 6 miro kabaxaan markiiba.
• Xaqiiji in abuurka aad ku ridid 3-5 cm carada kuna dabool caro fudud.

Waraabka

• Waraabi adigoo biyaha marsiinaayo soolasha/caro-tuurka dhexdooda si ay miraha ugu suurto gasho in uu si
  fudud u soo dhasho iyo in biyaha waraabka ay jirdaha wax yeeleynin.
• Dhulka waraabka ah, waraabi illaa sedex jeer xilligiiba haddii aan roob di’in; haddii roob da’o ku llan waraabi
  mar illaa labo jeer.

Falka/Caws fallid

• Fal beerta waraab kasta ka dib iyo ka hor goynta haddii aad u aragto in ay u baahantahay si loo helo miro nadiif ah.

Lun buuxin

• Marka-horeba si looga hortago in ay dhacdo in aanu abuurka soo dhalan, isticmaal abuur tayo leh oo daweysan una
  abuur hab wanaagsan.
• Haddii ay jiraan meelo banaan oo aan soo dhalan 5-7 maalin ka dib abuurida, buuxi meelaha banaan adigoo mar
  labaad abuuraya.

Bislaashaha iyo Goynta/Shafid

• Ha goyn ee shaf geedka sisinta marka ay bislaato 75 boqolkiiba si looga hortago in ay daadato.
• U dhig darbaal/derrin marka la tubaayo ama la nadiinaayo si looga hortago in miraha dhumaan/daataan.